Книжная серия «Школьная бібліятэка (Бегунок Беларусь)»
Год открытия: 1991
Описание:
Серыя «Школьная бібліятэка», у якой выходзілі творы беларускіх пісьменнікаў, чые творы вывучаюцца ў школьнай праграме, існавала да 2003 года і фінансавалася са сродкаў Міністэрства інфармацыі. Кнігі на бязвыплатнай аснове пастаўляліся ў школьныя бібліятэкі.
Затым фінансаванне зменшылася, серыя не стала выходзіць.
Выпуск кніг серыі Школьная бібліятэка адноўлены ў Беларусі ў 2009 годзе.
Як ужо паведамлялася раней, у 2009 годзе адноўлена выданне кніг серыі «Школьная бібліятэка», якая адпавядае патрабаванням вучэбных праграм па вучэбных прадметах «Беларуская літаратура» і «Руская літаратура». На яе выданне Міністэрству інфармацыі выдзяляецца мэтавае 100% фінансаванне з рэспубліканскага бюджэту. Выпуск гэтай літаратуры здзяйсняюць падначаленыя Міністэрству інфармацыі дзяржаўныя выдавецтвы. Кнігі названай серыі паступаюць з выдавецтваў у бібліятэкі ўстаноў агульнай сярэдняй адукацыі згодна з нормамі і сацыяльным заказам Міністэрства адукацыі. У кампетэнцыю Міністэрства адукацыі не ўваходзіць камплектаванне кнігамі серыі «Школьная бібліятэка» публічных бібліятэк і, у прыватнасці, Нацыянальнай бібліятэкі Беларусі.
Дадаткова паведамляем, што з 2009 года ў серыі «Школьная бібліятэка» было выдадзена 46 найменняў кніг на беларускай мове, а на рускай мове — 19, у 2012 годзе запланавана выданне 11 найменняў кніг на беларускай мове, на рускай мове — 7. У асноўным названая серыя на беларускай мове выдаецца зборнікамі, у якія ўваходзяць творы вялікай колькасці пісьменнікаў, а на рускай мове — толькі творы аднаго ці двух аўтараў.
